GALEGO

Queremos explicarnos ao mundo.

Benvido a Babel RepubliCat!

Nacemos coa vontade de loitar contra a falta de independencia dos medios de comunicación ao servizo do Estado español. Este é un feito denunciado tanto pola Unión Europea como pola cidadanía española. Mesmo foi noticia en ” The New York Times” (noticia orixinal).

A falta de independencia dos medios coloca á sociedade catalá, española e mundial nunha situación de vulnerabilidade e desprotección en canto ao dereito á información. Impídesenos acceder á realidade plural. Limítasenos o dereito para tomar decisións con responsabilidade e coñecemento, no noso exercicio democràtico de influencia política.

Os medios de comunicación son un dos alicerces da democracia. E a función de Babel RepubliCat é defender este dereito. O dereito de todos os cidadáns de acceder a aquelas informacións respecto da situación atual en Catalunya e o seu proceso facía a República, que o Goberno de España esconde ou manipula na súa difusión.

O noso propósito é amosarlle ao mundo por que Catalunya desexa converterse nunha República independente e libre. Queremos dar voz á democracia, colaborando en construír un mundo máis xusto para todos.

Ofrecémosche información e facémolo no teu idioma, porque o noso desexo é facernos entender.

A nosa ferramenta é a comunicación: Queremos falarche a ti!.

E para conseguilo ofrecemos contidos en todos os idiomas ao alcance das decenas de persoas voluntarias que realizan as nosas traducións. Polo de agora falamos español, inglés, francés, alemán, italiano, neerlandés, polacoportugués, rusoéuscaro e catalán. Esperamos que a forza da solidariedade nos permita seguir ampliando esta gran familia de idiomas do Mundo.

A totalidade deste proxecto é voluntario. Está xestado e alimentado coa suma do coñecemento, paciencia e desexos de progreso de moitas persoas, catalás ou non, que non nos conformamos co que se nos impón para beneficio alleo. Persoas que desexamos ser protagonistas e partícipes de nosa propia Historia. Partícipes da Historia deste país, chamado Catalunya.

Non hai fronteiras na República Catalana.

Facebooktwittergoogle_plusredditlinkedintumblr